HA LOLƏM

Ha loləm.., bı sutə kəvşəni miyonədə, rast qınim bətı. Ha dılış məlalinə loləm.., kıştışe mı ıştı ın sıəti, Kəvşəni miyonədə ın şahəti. Nıştim bə zono, nuşo bıdəm bətı ıştə nokəti... Dim dəsum bəştı bı səltənəti Ki, tı bızıniy ım divonə aşiği. Ha loləm.., çiçon dəvardin çımı dılo..? Bı kainatədə.., çanə nezimon, çanə diyəro..? Çanə az tıni zındəm.., zındəş tı anə mıni..? In sırrinə dınyoədə, Qıləy sirr tıniş, qıləy mı... İyəndı sırri nızınə, Sırdəmon deyəndı. Boəmə vəyştebən, ın sığə-daştinə kəvşən Bəştı bı seiri bəm aludə, bəm behuş. Xəbəm ni oməm bə zono kenəku... Ava-uvə oməy bəcuş... pur kardışe çımı çəşış.., de kəvşəni xokə-puşi Vo dızdışe, bardışe tı... Deştə zərifə pəron, çımı mijon maç karde tı, pərəyş... Dastım ğande, di be, di...