SIFTƏ ZƏMON ÇOKEBƏN

Hisob-kitob çı ğuvvəku ve qınyə, Həxqı şələ sicimiku beqınyə. Arədəmon kin-kudurət eqınyə, Sıftə dövr, sıftə zəmon çokebən, İnsonon ve təmizebən, pokebən. Mu kam nəbi, jenon, kinon bəvonku, Həyo, abrü ve hestıbe çəvonku. Ləçək, pəlü nıuəbi səvonku, Sıftə dövr, sıftə zəmon çokebən, İnsonon ve təmizebən, pokebən. Zuon, kinon hənək əkəyn deyəndı, Mehriban bin, hiç nəqınin bəyəndı. Esə veyni nom bekardə boyəndı, Sıftə dövr, sıftə zəmon çokebən, İnsonon ve təmizebən, pokebən. Zu kinəj bə co məksəd piyedə, Gevon beşə, kələ vində , diyedə. Həxq votəkəs, de həromi jiyedə, * Qeneral Həzi Aslanov. ** Qeneral-paruçik Əğəcon bəq Nurullabəqov. *** Qeneral Səməd bəq Mehmondarov. Sıftə dövr, sıftə zəmon çokebən, İnsonon ve təmizebən, pokebən. Əğıl nıbim, az handəbim nəvədə, Yol-rükəti çaş kardəbin bəvədə. Həsüyə tono vəvu yaşməğ qəvədə, Sıftə dövr, sıftə zəmon çokebən, İnsonon ve təmizebən, pokebən. Kok bə lodi, lod bə koki penışdə, Rük bə yoli, yol bə rüki penışdə. Kaq bə kaqi, sük bə süki penışdə, Sıftə dövr, sıftə zəmon çokebən, İnsonon ve təmizebən, pokebən. Nımoj bıvot dızdi kardə şanqone, Ğuron bahand votdə hələ hanqome. Dərk kardəni, çı ğuroni nom qone, Sıftə dövr, sıftə zəmon çokebən, İnsonon ve təmizebən, pokebən. Esə beşə, ve oqəte dəb,-rişi, Dinsızonən oxşedən bə dərvişi. Cohil-cəhil dəsyüdəni siprişi, Sıftə dövr, sıftə zəmon çokebən, İnsonon ve təmizebən, pokebən. Merd lınqəro, jen amədə, jen sədə, Kinon dasto eqındəni fen- sədə. Əğıl nışdə çı məclisi pen sədə, Sıftə dövr, sıftə zəmon çokebən, İnsonon ve təmizebən, pokebən. ,,Məşədi» kef xəlvətədə saz bedə, ,,Kərbəlayi» raskə həvo caz bedə. ,,Haci» çımon dıynənənsə baz bedə, Sıftə dövr, sıftə zəmon çokebən, İnsonon ve təmizebən, pokebən. Sıxon oməy, az zındənim oqəte, Yəqin ki sə konco ışdə bo qəte. Jıqonçiqon dapalaği peqəte, Maisi ğələm ve dırozə lokebən. Sıftə dövr, sıftə zəmon çokebən, İnsonon ve təmizebən, pokebən.