BƏ TOLIŞƏ ZIVONİ

Çı qofeo moə zıvon çokım məsə, çok dərəsəm, Yolən be-be co zıvonım çok omutə, çok sərəsəm. Şin bıməsış, şin dərəsış, şin bıvotış, şin bəbe əv, Qəp nıjənoş, ğəd nınoş bəy, qədə qədə qin bəbe əv. Zıvoni ki çok bızıno, sıxanədə bolən bəbe, Qəp nıjəno bə tolışi, əv tolış ne lolən bəbe. Bəçəy mahne, bəçəy nəğli, bo quş doe quşən bıbu, Moə laylay, çı moə şıt, bəpi bətı nuşən bıbu. Bə zəmni dim, bə vilaton, tolış həmə peşin- peşin, Zərduştiku boəmə mandə, zıvoni bə sə dənışin. Xıdo doə var dəvlətı ve piedə, var znedəş, Xıdo doə ın zıvoni, boçi bəştə ar zınedəş? Kon sıxane, kon mənae, bə tolışi vote nıbu, Əqər sıbut bıkoş bəmı, bıdə ıştı votəy bıbu.