İNƏ, BƏ ƏSQƏR ŞEDƏM

Yaşım həjdə dəvardə, İnə vətən vəkardə, Meydon mıni çəş kardə, İnə, bə əsqər şedəm! Im fırsəti Xıdo doə, İqid bəbey ıştı zoə, Tı bəbeş-əsqərə moə, İnə, bə əsqər şedəm! Bə dınyo, həray dodəm, Bə vətəni hay dodəm, Xosə coni pay dodəm, İnə, bə əsqər şedəm! Azən, bəştə bobon şəm, Dasədəm, nurə pərçəm, Bə Ğıron hardəm ğəssəm, İnə, bə əsqər şedəm. Tı boy, ğəm-ğussə səkə, Vılə səy sipi məkə, Çəşonku ast eməkə, İnə, bə əsqər şedəm!