ÇƏMƏ BANDON

Ğıyoməte çəmə bandon, ğızılin, Ğədimə nışonə, tarıxe mandə. Çəvon honi ovi ki peşomedə, Tovsoni mionədə dandon eğandə. Qıyə ovış biyə,həvoşən sərin, Zoonış veyni iqid, kinonış reçin. Çimənon ətlosin, namə məxmərin, Voşi şıştəşe bə həşiş peğandə. ...Jıqo bərkə bəlel, ambur bəy bedə? Nomerd bənə şımşi dəşə- ancedə! Mərol, ceyron bə çəş əve kam çiedə, Zolım de tifanqi çəvon səmandə. Etat-petatış ve, tanqe ro-bərə, Bınış ni, zılmote iyo har vırə. Dırıst təylə hıre çə bandi arə, Kəşış bə cəzirə, bıri dəmandə! Pəsə ğəlon peşən çə hali səpe, Şonə tutəq jəydə çəvonsən sape. Odəm deştə çəşi bıvindo bəpe, Iyo har rəsəkəs şeer peğandə.