LANKON

Çı tolışi xosə zəmin, Əsl çəşəmırəy Lankon. Bo nəvero, jimoniro, Qıləy vəyştə vırəy Lankon. Sel, tuk, hi, boğ, band, kuyo Harşi botoş heste iyo. Iştı qamo, ıştı dıyo, Həzo dardon çorəy, Lankon. Dusti dastdə vılə dasəy, Dışmeni lukədə asəy. Ğoroğe, mordove, basəy, Məmləkəti bərəy Lankon. Avlodonı bə sə cəme, Həmmə doğməy, həmmə ğome. Nıznom əqəm rəyrə ome, Məkə mıku qırəy, Lankon. Votem: tınım lap ve pidə, Dılım təku ilhom sedə. Obəğəteş mıni yoddə? Diyəş karde, sırəy Lankon.