AŞİQİM BƏTI

De i kərə vinde aşiqim bətı , Aşiqim bəştı muəxolon ,bəştı çəşon , Bəştı lıputon , De i kərə vindey mını əsir karde bəştə , Co cur inson bə insoni çoko aşiq be bəzıneki ?! Detsə tıni vinde bəştə sıxan doəmbe İ kərən aşiq nıbum , i kərən məsutım bə eşği otəş , Detsə tı i kərə cəhd kardəmbe aşiq be , Ome , dəvarde , Vırtı – vılo kardışe çımı korpə dıli Həyəcon ... Tı məvot , dımınni kərən aşiq be zınedəbən inson... Aşiqim bətı , Jıqo aşiqim ki , bısıroş bəsırem , Bıbəmoş bəbəmem , Iştı çəşon erəxemonədə məst bəbem Bənə kuçəsəonədə hıtə şərabxoron , Bənə həşi ruşnə peşomə ovşimi , Bənə voşi çəşə aston ebardə zəmini ... Aşiqim bətı , Bı dınyoədə bətı aşiq bıesə reçin hiççi nibən , Iştı eşq – çımı həsrəti dəmon , Iştı eşq – çımı betıə jimon , Iştı eşq – çımı dıli sədo , Iştı eşq çımı zıvoni nidoyebən , Aşiqim bətı ...