IM KİNƏ TINİ İ RUJ BƏKIŞTE

Çımı dıli ən şinə doj məbu tınə Xıdo , Hejo tıku qəp əji ım dıli jey , çey sədo , Mıni jıqo vindədə əvoti çımı dodo : – Im kinə tıni i ruj bəkışte , çımı balə ! Iştı telimən jıqo bənə şoni ebarde , Bənə həvonin nəvim , sə ağılı se barde , İnən de şəvi – ruji çımı xıvvətış karde : – Im kinə tıni i ruj bəkışte , çımı balə ! Hejo deşmə kəon və jıqo – jəqo dəvardim , Hiç nıbo bo i kərə vinde çəyo dəvardim ... Əmmən lıputon jiyo əvotibən : – ,,Dı dardi , Im kinə tıni i ruj bəkışte , çımı balə ! «. Bə hiç kəsim quş nıdoy, Bə sıxan penımandim , Bənə peşə ru qılim , i vırədə nemandim , Ha ruj fikir kardıme , bə dumotən dəmandim: – ,, Im kinə tıni i ruj bəkışte , çımı balə ! « Isət həminə rujon xatirəş coy , vırəş coy , Həni hiç hınəmən ni bo dəvarde deşmə soy, Dıli ıştən je kışde : -,, Ha Bəhrama , bəştə boy , Im kinə tıni i ruj bəkışte , çımı balə ! «.