MOT MANDƏM

Dınyo kəminədə əməni vitdə, Umri sə peqətə, çı dınyo vitdə. Çokion qılə-qılə, dard qitə-qitə, Hələ de qardışi qardəmon, dədə, Hələ iyəndı səy hardəmon, dədə. Çı kon vıro rostbə çəmə rəğ-rişə? İ tonmon bandı-ku, i tonmon vişə. Zəmonə çaşıj ku, quşonıj eşə. Hələ bo dardonro handəmon, dədə, Orzuonro hələ ğəv kandəmon, dədə. Bədəy korətəni lonəjon etə, Çəmə ron sığlurdin, şımə ron hitə. Isə zoəm bəpye ım dardon pedə... Çəmə kon, co kəsi nom beşdə, dədə, Ki çəmə dast-poçə epıştə, dədə?! Ve kəson dum mandə kəybə dırədə... Babəkım vanq karde mı ve vırədə, Sığon zıvon okay Bəlləbırədə, Ve şo bim bə sığon ğıryəti, dədə, Mot mandim bə dınyo koryəti, dədə.