VƏTƏNİKU DİM MƏQORDIN

Vətən çəmə ğıbuləye, Vətən çəmə kumə, kəye, Əv çəmə xosə moəye, Vətəniku dim məqordın. Ğəribəti ve hədəre, Ğəribəti darde, ğəre, Çı vətəni lırdən fəre, Vətəniku dim məqordın. Bə vətəni qardi ğıbon, Bəçəy tati, sardi ğıbon, Bıbi bəçəy dardi ğıbon, Vətəniku dim məqordın. Vətən çəmə var-devləte, Vətən çəmə har sərvəte, Əv namuse, əv ğıryəte, Vətəniku dim məqordın. Bakir çı eli şaire, Bılbıle, vıli şaire, Vətəni qıləy şaire, Vətəniku dim məqordın.