ŞİRİ BALƏ

(Təmsil) Ruji qinbe şiri balə, Coyli mande, kaşe nolə. Moəku co, pəku co be, Ve tarsdəbe, xun siyo be. De fiki əv vişə nəvəy, Diyəroku sədoş məsəy. Hırsi sədo əy rə zınəy, Çune bışiy, çoknə bıkəy? Kuli bındə əv nıyo be, Həvoən çiç, lap siyobe. Fik kardışe bənə neçi, Əv bızuzo, həni hiçi, Nez nibome, ve bətarse, Çəy sədoku hırs bəlarze. Şirə balə xəyli zuzəy, Hırsi məsəy, bəy rık oməy. Karde hıcum bə ım balə, Dəşe bə çəy con vəlvələ. Şiri ıştən rosınişe, Çı hırsi çaş torsınişe. Moə jıqo nırəş kəşəy, Hırsi məsəy, rərə pıyəy. Mo bə vənqo qətşe balə: – Quşdə bəştə moə hələ, Bımardoşən neçi məmand, Şiri nırə çəysə zumand. Nokə bəbe, mıni bıməs, Iştə nomi qin kardəkəs!