ÇI ĞƏŞƏNQƏ İD OMƏ

Bahar omə, xəş omə, Ruzi, bərəkət omə. Çı ğəşənqə id omə, Nəvruz omə, xəş omə!.. Boğondə, vişonədə Ə Xıdo nişon dodə. Ranqbəranqe vənəşon, Dılımon ve şo bedə. Mivə don zizə kardən, Kəfşon vılon okərdən. Xosə bılbılon handən, Şinə sədo bekardən. Həmə kədə səməni, Xıdo oğətiy şıməni. Dardon bekəy coniky, Xoşbəxt bıkəy əməni. Bəpəren pəresqele, Bəməku mehman bəben. Əğlon çanə şo bakan, Pır-pır bakan bənəven. Dodo, inon ivrədə Bapaten zerənə nun. Ləzzət bədo bo harde Ruəninə kelçənə nun. Moğnə bəmə sı bakan, Dıyəndı bəjənimon. Bəbışden bışdə-pışdə Bəyəndı bəjənimon. Hələ vıtdənim bəşmə, Kijə, moyə ləvəngi, Polo toloşi kədə Bə sufrə dodə ranqi. Nozə kinəli balon Bə zon bedən pəvəndi. Bəd mandə, rıknə kəson Çay peşomdən dı ğəndi. Sənodən haft otəşi, Pevaşdən, əcəb dəfe. Ğəzon, bəlon, har ozzon Im həni kana qəpe. Bahar omə, xəş omə, Ruzi, bərəkət omə. Çı ğəşənqə id omə, Nəvruz omə, xəş omə!..