JİVNEDƏ MINI ÇANƏ PİYEMON

Jivnedə mıni Çanə piyemon, Novnedə mıni Anə piyemon: Budə – ruşinə Inə piyemon. Həşi-Ovşumə Kinə piyemon. Pokə-azizə Pı-mo piyemon. Çokə-təmizə Pı-zo piyemon. Nozıkə simə Hovə piyemon. Dəçınə şimə Bıvə piyemon. Barzə çilinqə Həmro piyemon. Avazə-vanqə Həmto piyemon. Ləziz-təminə Vətən piyemon. Şəkəynə-şinə Iştən piyemon. Çımon həməysə Budo piyemon: Xıdo piyemon! Xıdo piyemon!