Dəvardə tovson
Xosə tovson dəvarde,
Çokə rujonış barde.
Çı pozi buyə oməy,
Kulokonən ekarde.
Huəmon kay diyədə,
Çimənədə, hiyədə.
Odəmi dıl o əbiy,
Maştə bə tuk şeyədə.
Bə mo koməq əkəymon,
Bo pı nəfo əbəymon.
Bə havzəyon, bə vılon
Əvəymon, ov ədəymon.
Pələnc əkəymon təğon,
Təmiz əkəymon boğon.
Boğçə təmiz əkəymon,
Telə aləfon-rəğon.
Əqardimon bə hiyon,
Əçınimon vey çiyon.
Vılon, zizon, aləfon,
Muəllimi əpiyon...