Sİ NIBİM

Çımı bədən detı nəfəs səydəbe, Detı har qəp bəmı ğıvvə doydəbe, Tı bomıno şoyə rujı pidəbe, Fələki çəx çoko qarde, şo nıbim. Dardım dıyo, ro dəqijnə qəmim az, Xəbə məstən, səykubəpo ğəmim az, Botı çand ruj dumoyəndı bəməym az, Hiç zındənim çoknə be ki, ku nıbim? Isət həni dılətono təvedəm, Boştı qıləy nanqıriən nəvedəm, Çı fikiku orəxedəm, sə bedəm, Joqo rə şiş, hiç ıştıku si nıbim.