VALLAH, OXORZƏMONE

Mivə hardə bə koli, Papə votdən bə boli Həxsızəti bı yoli? Zıvoniro divone. Vallah, oxorzəmone. Moə şıti hardəni, Həyo, abru, pardə ni, Hiçki jıqo kardəni, Zıvoniro dəğmone. Vallah, oxorzəmone. Dınyo qardə tərsinə, Bə zıvoni bə pinə, Mamə votdən bə inə, Məkən jıqo, əmone. Vallah oxorzəmone. Zıvon şine bənə mo, Alim heste bənə bo, Qıləy zıvon bısıxto, Zıvon soxte hostone? Vallah oxorzəmone.