ARƏ MƏLO

Arə məlo çəmə diyvoj, Jəydə ərəğ, votdə nımoj, Be dastnımoj, be conımoj, Boçi bəpe az nıvıtom?! Nıştedə har məclisədə, Lap de ənə çəy pensədə, Ploş pidə padnisədə, Boçi bəpe az nıvıtom?! Hey nəvedə diyobədi, Ro oqətdə dəşdə bə hi, Nıbəkarde jıqo hışki, Boçi bəpe az nıvıtom?! Vindəm əy ha roonədə, Qah Likədə, Lankonədə, Çı tolışi bandonədə, Boçi bəpe az nıvıtom?! Bə ro şedə əv tərsəke, Məlo zındən əy harbəke, Bevəc niki, əvən çoke, Boçi bəpe az nıvıtom?! Ru vindedə dənıştedə, Bədə dıvo nıvıştedə, Fəğri peşti arıştedə, Boçi bəpe az nıvıtom?! Dınyoədə qardedəmon, Oxoyən ki, mardedəmon, Im zərfəte, kardedəmon, Boçi bəpe az nıvıtom?!