VOTDAN ƏMƏ AVROPAMON

Jimon bənav marağinbe, Zəmanəmon ğəliz nibe. Har koomon de ğaydə nıbe, Əvən qiləy zəmonəbe. Nezbəruj suk ban dudabe, Ruj əməy xəbə dudabe Boğda bılbıl handedəbe, Harujmon xəş dəvardəbe. Kooncu ağsaqqal bedebe, Məclisən xəş devardəbe. Səlaməleyk ğuvvədəbe, Har koada hax bardedəbe. Əğıl ışta koo zındəbe, Pı bitonda, Mo kaadabe. Dudmanomon besoyb nibe, Har koomon da ğaydanebe. Pulua ğazan piçi səpe, İçaşmunən ğazani pe Çışmon baru Pimon bume, Harujmon xəş dəvardəbe. Bəyəndinu bur mandamon, İ peştbimon dışmen bamon Isat hani oqay bamon Votdan toja dovradamon. Dumut fiko beyn ba pur, Dildamon dard,dilmonən pur. Çiçi qerek jiku umur Votdan toja dovradamon. Sıxan kardən sıre-sıre, Ba namusian babe qıne. Votdan əmə avropamon, Xosa boli, çiç bıkamon? Mınan daşma itka rozi, Bəzi koonda ve norozim. Avropamon mınan rozi, Şat bınıştam butam duzi. Işta lefdə tarsedemon, Çippa beda,qij bedamon Havuş təki larzedemon Bımi votdan avropamon!? Lənət bıbu bı dovrani, Doğma oqay yandi zani. Mahol zaybe,a eyumni, Votdan əmə avropamon. Şovqi, tınan itot bıkə, İkərəti tı dərk bıkə. Mizon tavzı mil perəxə, Hədər ıştəy sıvık məkə.