BINIVIŞTOM
Bəştə dıl çiç vardedəm,
Bınıvıştım, bıvotım!
Çiç vindəm, çiç kardedəm,
Bınıvıştom, bıvotım!
Odəm heste lap keye,
Dəmon kame, dard veye.
In dınyo çıknə çiye –
Bınıvıştom, bıvotım!
In ruj bəşe- əvoni!
Əşıni çəy təvoni...
Çımı votə həvo ni,
Bınıvıştom, bıvotım!
Tolışi şinə Şəkəm az,
Bəştə xəlqi nokəm az,
Iştə dıli okəm az,
Bınıvıştom, bıvotım!
Sources
Anthologie de poésie talysh (2021), 50. ISBN 978-9952-28-569-7.