Şahmirzə Tolışəxun

DIDİMƏ ODƏM

Çımı “dust” dıdiməy, Penco şəş sinnış heste. Koədə patə ustoye, Lap co curə səş heste. Bəştəsə “qədəli”yon Tars doydə, tarsovnedə, Əv dəvon qəp jəyədə Çı səy səpe qətedə. Kenə ki sıxan votdə, Bəştəsə “yolə” kəson, Səyən əv enovnedə Bədəy fəğırə pəson. “Lap çok”on, “çaşonsə”yon Vey votdə zıvonədə. Harkəs bevəci vində Əçəy əməlonədə.

Sources

Anthologie de poésie talysh (2021), 144. ISBN 978-9952-28-569-7.