DINYO

Ey gidi dınyo jıqo boçi kardəj? Cıvoni, pipışki bə kovrə bardəj? Ve-ve çokə insonon umri hardəj, Çənə diyəvujə dınyoj, tı dınyo. Merdi bə nomerdi mıdoc məkə ğətt, Həni bəməku mandəni hiç toğət, Tıni Xıdo bəməku toğət oğət, Çənə diyəvujə dınyoj, tı dınyo. İnson çənə fikir bıkə zındəni, Umır şedə, koon bə ro şedəni, Dard-xıvətiku dıl rohət bedəni, Çənə diyəvujə dınyoj, tı dınyo. Ruj bedəki ikəsi dim sıredə, Rujən bedə dakəsi dim bəmedə, Dardon səpe yolə dardon omedə, Çənə diyəvujə dınyoj, tı dınyo. Dınyo; çiçı pedə tı Ruslan’iku, Si nıbim mı iştə şinə coniku, Məhfı kardə mını, bə çımı dıl ku, Çənə diyəvujə dınyoj, tı dınyo.