RANQƏDƏ
Çımı vətən, boy, tı dərost ıştəni,
Əvəsori vaxti vişə ranqədə.
İton sipi, i ton bedə havzə ranq,
Osmonən ki, çı vənəşə ranqədə.
Likədə dıl vıl okardə əvəsor,
Ğonəğ omdə pərıstıle bəy hasor,
Sipiyə hır omeədə bı məhol,
Haymon bedən sipiyə şişə ranqədə.
Mərolonən vitedən yan-yaniko,
Dərəmedən, tarsdən ıştə coniko,
Bevaxtəsəy eşdə Səvəloniko,
Həşi çidə çı vıleşə ranqədə.
Sources
Anthologie de poésie talysh (2021), 150. ISBN 978-9952-28-569-7.