Voş voydə…

Voş voydə, erıjyedə qardulon bə silə çı diy roy naməlumə kordinatədə! Bə çaşonım dəmandə ım şəv. Osmoni siyo kələğəy parziyedə dınyo səyku, toki pur bedə bə kuçon... Sipiyə şəvım oğandıme lınqon jiyədə, oməym iştı tono! Sahilon ğumbəsə, dıyo bəmdə. Im şəv çə ruji to ni! ...Bə ro vılo bə lınqə rizon qırdə karde-karde oqardim bə dumo. Çı umri pozi fəslım qinım karde. Kulok livə eşandə çımı səyku, parziyedə doon. Isə ım va voə rujədə bo qıləy həşi nəvdəm bıvoşnım çı umri poziku mandə livon!