ƏV BƏLOYE, ƏV DƏVO Nİ
Nağafil tı bə ro məşi,
Fikdə bəştə pıyemoni.
Həxi bıməs, bəsə dəşi,
Hiç vaxt məbi çı imoni.
Şərab qıləy yolə bəloy,
Məvot şişəş ivjə boloy,
Ni bəneş tı çoknə pıloy,
Bə şişə ki, dast rosoni.
Bəy ğat məbi bəbeş nokə,
Əv hərome, ha fu bıkə,
Tı dəçəy zu sıxan məkə,
Əv dı ağli duz əvoni.
Əv tıni çı ağli bəka,
Iştı çaşi purxun bəka,
Məvot noxəşi çok bəka,
Əv bəloye, əv dəvo ni.
Bidar votdə jıqo məkə,
Bıməs, məbi tı beməxə,
Mədə bəçəy dast tı yəxə,
Çəy ğandəkəs rost əbıni.
Sources
Anthologie de poésie talysh (2021), 187–188. ISBN 978-9952-28-569-7.