BAHAND, ÇIMI ŞİNƏ BILBIL

Pərıstıle pərə omə, Məholi havz təka həmə, Bandi səyko həşi pemə, Əvəsore, obedə vıl, Bahand, çımı şinə bılbıl. Hiç nıznəme bəke şəbiş, Xəyli vaxtbe ığın nıbiş, Çokbe oməyş tı bino biş, Bəştı sədo şo bedə dıl, Bahand, çımı şinə bılbıl. Sof qədəliə vılən rost bə, Diəkə zəmin çoknə taspə, Həşi zuyko ovən tat bə, Qədə əğlon şedən bə xıl, Bahand, çımı şinə bılbıl. Tı çı vıli əsirişbən, Be çəy hiç vaxt nəsırişbən, Səyko bə bın tı sırişbən, Bəştə eşği bıvot nəğıl, Bahand, çımı şinə bılbıl. Mərasimim, sutə dılım, Iştə vıliən bılbılim, Nə dışmenim, nə pəxılim, Tı bəmıko mətars, mətıl, Bahand, çımı şinə bılbıl.