ÇIMI İNƏ FİKIŞ MANDƏ ÇIMISƏ...
Kom vırə xoki, ha İnə, ısət ekəm bəştə sə,
Tı ha şəv tıle-tıle omedəş bə çımı han.
İ lokə otəşə zil tı dəqətdəş bəştə sə,
Pelandı onokardəy mıni jəydə çəy rahan.
Joqo bızın təsedəm, hele kardəm: ha İnə,
Həni nıvində rujon dəro kardəm, vindəm az.
...Mandəş, diə kardəş ıştə sırə diəninə,
Pebedəm, ıştə lefi zəminədə vindəm az...
Sources
Anthologie de poésie talysh (2021), 169. ISBN 978-9952-28-569-7.