LOVƏ KARDƏM BƏ XIDO

Çımıko co məbi... Əğəm tı co biş, Deştəno qəp bəjem, su niəkam – bəşem. Tı çımı Ovşomiş, be ıştı i ruj Niəmandem ənəyo... Sə piətem- bəşem. Bəşem, dınyo yole...Yolən əvebən, Çəşondə ın dardi barde hosone. Çımı çəşə arson pasə ovebən, Iştı məhəbbətən kanə osone... In ov ə osoni baha, tı bızın, İkərən diəbakaş, orəxəş, rəxəş. Çımı çəşi mijə mahaş, tı bızın, Anə bakande ki, cobiş, perəxəş. Çımı dıl ro niədə- diəro eqınoş, Çımı dıl kəş oəka, bəqətem tıni. Dınyoədə tı çımı ən sofə qınoş, Iştə dıli səysə eəqətem tıni. Bəşem, dınyo yole, çəşımən yole... Bəbam deştə çəşi vılinə tıni. Əğəm çımı çəşon dınyoədə ku be- Bəvindem yarəjə dılinə tıni.