BƏ MOVARDƏ RUJİ SƏLOM

– Səlom, movardə rujım, səlom! – Əleykəssəlom! – Çı səyku votedəm: Xərobe doxturon sə! Sa ğıram bəbe? – Peşım. – Bımi hestiməni! – Bətı ğəssəm nime, movardə rujım. Ğəssəm bıbu bı dastəm bə iskani. Pəm, moəm, hovonım şe, Dustonım şe, Piyəkəsonım şe, Şimon e... Məvot, məstbəm, Çiçonım doy, bənə bı zəhrimori tel be, movardə rujım. Bə vıni qəteyro qıləy şinə xotoən nımande. Noşukur nim ha, Heste e... Votdən, zəyfin, faizışon kame, Tınd bəbəyn In zəhrimor əvoni ətojniy, beənəkəy mıni huşo. Diəkə, peşımedəm ımi, Bə şəkəson xəşəconətiro! Qətışe mı, daston fər-fəri nışıştə Bə İ May parad şə Çı diy momon – Nəsibə xalə xəşəconətiro! Imiyən peşımedəm Bə oməkəson xəşəconətiro! Nom kəşdənim, Əvon veyin ve!!! Bıji, movardə rujım!!! Bıji!