TA MƏKƏN

Dardiko votəysə çəşe pur bedə, Diyəro mandedəş dılı sutedə, Şəkəson çətini darde vindedə, Iştə ruji siyo məkən, məvitən. Imruj hestim, maştə nıbim, çiç bıkəm, Ha ruj votdəm dıştə coni sə bıkəm, Ğıbon bəşem ıştə ruji şəv bıkəm, Dıştə dardi bəştə kəy bə evətən. Qıləy şonəm bandi səpe bılbılim, Kenə oməysə az boşımə sə vılim, Dardım dışmə, bıznən, şımə az dılim, Bandi honi ovış xune, bıvotən. Iştə məhol, ıştə ruzi bəhole, Bərəkətən pure, həmə həlole, Dardi dəvo şinə ruzi məhole, Evətən ki, ıştə holi şo bıkən. Malikim, votəysə xun siyo bedə, Sıxani duziko har çi du bedə, Məsəkəsi rujış ve rə si bedə, Məsləhəte yolon votəy, ta məkən.