NIVİNDON

Az nıvindom ıştı çəşi, bəmardem! Bəştı çəşon dınyo ğıbon bəvardem, Iştı şo bə çiç lozimə bəkardem, İqlə ıştı çəş-dim hiç ğəm nıvindon. Bətı dıl dəjədə, dardiku parəy, Bə otəş şodə bə vəy sutə yarəy, Iştı ım çəşon çə ım dıli çarəy, Bə lovəm ım çəşon mıni bıvindon. Çımı piyə kinə qılə pərəndəy, Bəyo jidəm, pidəmə handəy, Dınyodə iqlə əy pidəmə vindəy, Beəv az hiç iqlə rujən nıvindom. Iştı səy mu ətır vəşti boğədəy, Im lıbuton də ıştə sado qədəy, Çımı dıli bəştə dast səy həxədəy, İqlə tıni kinə ha ruj bıvindom.