VƏNƏŞƏ

Tı çı reçinə vıliş, Zəmini naxşij qıliş, Çımı con ,çımı dıliş, Çı çok əvəsor beşə, Kuli bınədə vənəşə. Bı sardədə vaədə, Jıqo bandı kuədə, İjənən hayməvədə, Bə co vılon kəş dəşə , Kuli bınədə vənəşə. Çiç omə bı vıli sə, Çı darde çəy dılisə, Qıyıj noə kulisə, Çənədə otəş kəşə , Kuli bınədə vənəşə. Arzu veye umr kam, Dınyo jıqobızın han, Mandedəni ım karvan, Bə dırozə ro beşə, Kuli bınədə vənəşə. Xıvət məkə, dard məkəş, Sə səlomət, conı xəş, Vıli umr yaşəmiş bəj, Debə oxe ki ro şə, Kuli bınədə vənəşə. İdrətı ğəmgin karde, Bəçəy yod çiçı varde, Hestbe, oməy dəvarde, Məvot çı yodo beşə, Kuli bınədə vənəşə