CIĞƏYNƏ TƏCNİS

Bın otəşi həmro bıbi, boy bırəs, Aşığə dust, sinəm ijən vəş qəte. Az aşığim, vəş qəte. Dılım cız-cız vəş qəte. Sazi ehaşt sinəku, Tınən omut vəş qəte! Sıxanədə kol beməşi, boy bırəs, Bəxti avəm beşe, həşi vəş qəte. Qıləy huri mijonku noz dəhaştə, Sinədəş çı vəşyti mivon ehaştə. Az aşığim, ehaştə, Mijonkuş mı ehaştə. Ha ləhzədə ğıbonim, Məqər mıkuş hey haştə? Jıqom zınə hicron mıni ohaştə, Mı və oka, əy kom tərəf vəş qəte? Bıvot dardış bənəy dıyo nığıl bə, Telə ahış zıvonisə nığıl bə. Az aşığim, nığıl bə, Anqivinbə, noğul bə. Beəy oxo çiç bıkəm, Im həsədon nığılbə? Bıməso ki, İbrahimən nığıl bə, Xəy nıbədo çəy bəvədə vəş qəte.