Kİ ZINDƏ
İyəndımon ve bıpiyo,
Xıdo koməq bəbe piyo,
Xunmon nəbi həni siyo,
Har çi Xıdo bədo bəmə.
Qujdə xurək nıbo həni,
Cırən bəhə, tı, dı pəni,
Noxəş məkə dıli, kəmi,
Umur dıroz bəbe çəmə.
Xıdo bəmə payış doə,
Xalə, bibi, dayış doə,
Pə dı moə dılış doə,
Aziz bıbən şımə həmmə.
Çı Ğəribi çaşış mandə,
Ve nıvıştə, veyən handə,
Dardış veye əçəy çandə,
Ki zındə əv çənə bəmə.
Sources
Anthologie de poésie talysh (2021), 106. ISBN 978-9952-28-569-7.