BIRƏS BƏ İMDODİ, AY ŞİNƏ XIDO

Xorəynə virusi conış orəxo, Ni əçəy kıştəkəs, conmon brəxo, Çidəni dənəm bəy tiənə çəxo, Bırəs bə imdodi, ay şinə Xıdo. Bə şəv, bə ruj xıvət kardəmon əmə, Noxəş bimon diyə ki bəka bəmə, Fikriko səmonən bə həni səmə, Bırəs bə imdodi, ay şinə Xıdo. İnsonon həmmə bən çı dınyoku sard, Xıdo, çiçmon kardə, doydəş bəmə dard? Noxəş bəkəs veye, heste çənə mard, Bırəs bə imdodi, ay şinə Xıdo. Bə hiç vırə şeyən hukmət haştəni, Nəfom torəy hardə, çaştəmonən ni, Odəm ımruj heste, maştə boçi ni, Bırəs bə imdodi, ay şinə Xıdo. Mardi peqətero odəm omdəni, Mardən ve biyədəy, ğırbış bedəni, Doğmə odəmonən, yəndış pidəni, Bırəs bə imdodi, ay şinə Xıdo. Haci dardış veye, hiç kam bedəni, Şəvən ve dıroze, çəy han bedəni, Noxəşe, larzedə, ço çam bedəni, Bırəs bə imdodi, ay şinə Xıdo.