BƏ HƏŞİ BEŞİ

Xıdovand dəməy, əv himot bəkay. pevışkın həməy, mahaşt çaş okay_ epuş – pepuşi bə həşi beşi! Çənədə xıvət dıli bəkande? vəse ım millət bə nıso mande: rost bıkə tişi bə həşi beşi! şəvpəron piyəy əməni sutdə. çəmə həşi vəy kon avə qətdə; bıbır çəy quşi bə həşi beşi! Bə soğ dəməşi, marşi, eməşi. xəyə roy bışi, boy okə çaşi, boy bıdə kəşi bə həşi beşi! komco şər vinde, pevat çəy rəği_ çənə fırsənde. çəmə boydəği butəye həşi, bə həşi beşi! nıso sesə ruj zard kardə vıli. şəxbi, boy bə cuş, qir bo bə dıli, zu bo bə kəşi, bə həşi beşi! ğıryətıj pidə, ım roy, şir pidə! zəhmətıj pidə, ım roy, qir pidə! səykə kamişi, bə həşi beşi! okardə çaşi, bahar vindedə. həşyəvəy kijə şoyşo handedə; bıvind de çaşi, bə həşi beşi! rost bıbən votdən, sərkərdə merdon! hest bıbən votdən, bo mərdə merdon pemedə həşi, bə həşi beşi! ko bətı mandə, həx ba bə vuji. bıji ozodə, ovandə ruji, de coni xəşi, bə həşi beşi!