VOTE, ƏVƏSOR OMƏY

Ruədə ov bə nır-nıre, Vote, əvəsor oməy. Vənəşən sıre-sıre Vote, əvəsor oməy. Doon livə okarde, Çimən kavu, sı, zarde. Əlenqon xəbə varde, Vote, əvəsor oməy. Beşo bılbıli sədo, Vılən ətrəbu bədo. Bə bılbıli vılə do Vote, əvəsor oməy. Kinon dastədə dəpe, Beşən çiməni səpe, Şonəpəpu bə qəpe, Vote, əvəsor oməy. Pəresqılı bı tondə Şinə mahni pemandə. Har kijə curi handə, Vote, əvəsor oməy.