KİYE TOLIŞ

Həm besuriş, həm beməxə, Ğandəş bəştə xəlği ləğə. Tolış kiye? Iştı əğə! Kovrə, koncoy, bəye tolış? Bızın ısət kiye tolış. Merdi zoə merde tolış, Mərdi zoə mərde tolış. Deşmeniyo darde tolış, Çımı, ıştı diye tolış, Bızın ısət kiye tolış. Zıvonış şinə zıvone, Zərdusti inə zıvone, Həvosət dardon dəmone, Kovıston, Bokuye tolış, Bızın ısət kiye tolış. Dıyoş heste, bandış heste, Pəhlivon, zumandış heste. Həmoşam, zuvandış heste, Çəmə bandı-kuye tolış, Bızın ısət kiye tolış. Tolış çəmə yurdi kəşe, Çı xosə Vətəni kəşe. Həşi ruşnə, bandi bəşe, Səyku bə po zuye tolış, Bızın ısət kiye tolış.