HƏŞİ
Həşi, həşi, şinə həşi,
Bəşt, okə tı ruji çəşi.
Az bə məktəb tojə şedəm,
Bə ro beşəm, tınən beşi.
In ro demı ivrə bışi.
Həşi, həşi, şinə həşi,
Dast rəsdəni bəştı bəşi,
Pardə peqət, rostkə dimi,
Az bıqətım ıştı kəşi,
In ro demı ivrə bışi.
Həşi, həşi, şinə həşi,
Mıni çəşkə, coyli məşi,
Votdən, ın ro yole, qone,
Az əğılim, həmən noşi,
In ro demı ivrə bışi.
Həşi, həşi, şinə həşi,
Sinif sutdə bəştı təşi.
Az dəvardəm çı kəybəku,
Pencəku boy tınən dəşi.
In ro demı ivrə bışi.
Sources
Anthologie de poésie talysh (2021), 38. ISBN 978-9952-28-569-7.