ƏVƏSOR
Havzə livon tıkışon jəy bə vişə,
Zımıstonış tojne, oməy əvəsor.
Kulon bıno səş rost karde vənəşə,
Pərisqıli kəşi daməy əvəsor.
Bılbıl pərəy, nışte bəsə vılisə,
Həşi sırəy, oməy tojə sorisə,
Ku-kəfşəndə sı-sardbe aləfon sə,
De şəvşıği, voşi çaməy əvəsor.
Ha tonədə vılon okardəşone,
Bızanqon iyəndı vanq kardəşone.
Doon havzə libos tankardəşone.
Maştəsə de Həşi peməy əvəsor.
Çı Bəhrami dıli arzuyon peşe,
Bənəy pərəndəon pəre piyəşe.
Vənəşə ləçəke, bılbıli kəşe,
Xıdo doə neməte, nome əvəsor.
Sources
Anthologie de poésie talysh (2021), 297–298. ISBN 978-9952-28-569-7.