IŞTI MUTƏY İNSOFI Nİ

De həsrəti qardəm oxo, Iştə dıli hardəm oxo, Ov bəm, boyk bəm, mardəm oxo, Məsut mıni bə vom həni, Iştı mutəy insofı ni? Im çı xəto, ım çı ğəste, Dastoş qidor bəy _ con bəste?, Çı ımruji maştən heste, Tı çaş məkə çı poy bıni, Iştı mutəy insofı ni? Bardə dardon ım reşt dıli, Boy de umi perışt dıli, Dıl şişəye, marışt dıli, Əy çəkış doy, rıstedəni, Iştı mutəy insofı ni? Şinə hanon çin bəbebun? Çımı rujon şin bəbebun? Yari rıkon qin bəbebun?_ Im ğıyz bəmə damedəni, Iştı mutəy insofı ni? Çaşom arson tıle ijən, Qəvom zvon kıle ijən, Ta karde, çı fele ijən?_ Bıbi demı damə-dini, Iştı mutəy insofı ni? Busə bıdoş, bəmı nuşe, Piyə dıldəm eşğ bə cuşe, Bəştı xoto _ çı va-voşe, Pevışkındəm ku-kəfşəni, Iştı mutəy insofı ni? Botı namə avşum bıbum, Pencə vədə ovşım bıbum, Eşği boğo nışum, bıbum, Bə ğəmi ruy mədə mıni, Iştı mutəy insofı ni?