Ə YAR ÇIMI PƏVƏNDİ

Çəmə boğdə qıle bılbıl pevandə, Do bılınde, əv xıçədə nəvedə. Qarde – qarde hojo vılon səpedə Boşdə yari şinə mahni handedə. Ə, yar inən bəmı mehman boməni, Nozi kardə, hələ bə boğ oməni. Dılım sütdə, az pəredəm həvodə, Xoşbəxt baka, kəynə Xıdo əməni. Çəmə kədə İnə vəyu pidəşe, Çımı hovə bəmı soxanış daşe, Vəyə bıkə tı dədəli ocəğdə, Boşdə boli har zəhməti bəkəşe. Aha, vindəm, ə xosə yar omedə, Larzi qətim, az bənə voə o bedəm. Con kinəli, con şinəli, az mardim, Çanə-çanə az imiku şo bedəm. Əknə vıle, oxşəş dodə bə ğəndi, Sı kəpote, az bahardem çəy ğəndi. Xıdo bəmı komək bu, İnşəallah, Oxor bəbe, ə yar çımı pəvəndi!