MUBARƏKE, NƏVUZƏ İD OMEDƏ

Ha milləta, dərostənən səməni, Bahandənən, şo bıkənən əməni. Həşi pemə tosbınedə zəmini Osmoniku xəy, bərəkət emedə Mubarəke, Nəvuzə id omedə! Nəvuzi nom bə Zərdusti anqıle, Bəmənədə jiyedə çəy ruf, tılə. Sə nəfəsış, bohori sıə vıle. Təbiətən dəy tasbedə, obedə, Mubarəke, Nəvuzə id omedə! Bə çəy omey bılbıl nəğmə peğandə, Bə ço tərəf Həşi ruşnə eğandə. Kuçonədə əğlon yəndı səmandən, İ rujımon bəmə bənə sa bedə, Mubarəke, Nəvuzə id omedə! Boğçə, vılvon çəşonışon roədə, Zizon obən ijən boği doədə. Behişti bu omedə har soədə, Im vılıston bə Tolışi damedə, Mubarəke, Nəvuzə id omedə!