CIVONƏTİ

Oqardim odiyəsəym, Ənə vitim, nırəsəym, Rəsem nıznəy, sərəsəym, Dəvarde cıvonəti. Həyf çə rujon dəvarde, Lovəm kay, nıoqarde, Zəmoni tınıj barde, Ro qarde cıvonəti. Bə zəmoni bəfo ni, Umrım hədər dəvoni, Romon nı kay si coni, Evarde cıvonəti. Çok dəvardəbe jimon, Dı tı əmə şo bimon, Çımı ən çokə rujon, Tı barde cıvonəti. Mını niməro şodoy, Xıvət mədə,oqard boy, Yusif tıni bə sədoy, Oqarde cıvonəti!