ÇIMI ĞARZON

Çı ğarzi dılədə jidəm bı sinndə, Zındəm ki, bomıno ve cəbre, zore. Hakanə dılvandi doydəm, çətində- - In dınyo ıştənən ğarzə vıjore. Bəs kome çı ğarzon sıvıki, qoni? - Az deştə sığ-tavzı kəşe zındənim. Lap ğıbon doydəmən ıştə ın coni, Çı ğarzon jitono beşe zındənim. Ğarzıxom hələ ki, az bə Vətəni, Bəçəy anquliyən, bəçəy sığiyən. In coni har vədə ğıbon votənim, Az bəçəy vılıyən, çəğə teğiyən. Hejo dardım omə çı dardi səpe, Dıyo bə çəşondəm çand sornəni ast. İnə zıvoniyən rost bikəm bəpe, Çanə ki, ğələmım peqətə bə dast. Ğarzıxom har vədə bə dədə-nənə, Anə ğarzon doyro umrım ərəsni. Az əçəy qoniku bıvtomən çanə, Zındəm ki, nodonon mıni dərəsni. Har dıli handeyən, vallah, ni hoston, Bədə ruj boəmə həmro vıjnedə. Ğarzıxom, ğarzıxom bə çokə duston, Bevəci çımınən dıli dojnedə. Bə dınyo bevəcə odəmonən lap Iştənım az hejo ğarzıxo zınə. Kenə ki, omedəm dəvon ğapbəğap, Pidəme ox bıbum bə çəvon sinə. Az həni, az həni ğarzıxom bə ki? - Peqəte zındənim ın ğarzə şələ. Az boştə ıştəni çiçım kardə ki? - Bəştə ıştəniyən qarzıxom hələ!