ZINDƏNİM

Sıxani qıyozə siyə, restəş vılo bə, In səy qırd kardedəm, ə səş vılo bə. Put vində kafteye- dastəş vılo bə, Çanə dom ğandedəm, qəte zındənim... Xəlqi dardı-dıli vote nəbiybən, Anə qone, bo peqəte nəbiybən, Ğıbo zu omeədə, hıte nəbiybən, Çand ruje, bolima, hıte zındənim. Vənəşə qıy bəsə kuli vindedəm, Siyo bıri boğo vıli vindedəm, Nodoni, xəbisi dıli vindedəm, Otəş–lov qətedəm, sute zındənim. Xan Əhməd, orzuon mandin dılədə, Dışmenən nıbu hiç çımı holədə. Peqətım ıştə səy çı məholədə, Az vite pidəme, vite zındənim!