BANDON

Sə rəsə bə osmoni, Avon ıştı qırdo ni. Bə vəjd vardəş insoni, Ha çəmə barzə bandon! Bə həxi nezə bandon. Şırnəon şur-şurədəy, Həşi ranqi nurədəy. Ruonı qur-qurədəy, Ha çəmə barzə bandon! Bə həxi nezə bandon. Honion bullurə şişəy, Kıl-kımıton vənəşəy, Har ton amburə vişəy, Ha çəmə barzə bandon! Bə həxi nezə bandon. Mandəş bənə potoşo, Top-tifanqı bə duşo. Qətə har ton bə çəşo. Ha çəmə barzə bandon! Bə həxi nezə bandon. Barzə reçinə boloş, Detıne merdə tolış. Çe vətəni səy koloş, Ha çəmə barzə bandon! Bə həxi nezə bandon.