XƏY-ŞƏRƏDƏ Kİ PENSƏDƏ BƏNIŞTE

İştə qınon bəşıştemon hiç nıbu, Bə tıbon san qardedəmon, çamdəmon. Çəmə yolon boəməjon çiç kabu, Əmənən əy boşdə əğlon kardəmon. Ğızılı-pulı pidə bıbu sa həzo, Iştı votəy bomı bədə nəğliye. Sıprişəti dı sini ni, amyəzo, Sıprişəti dı insoni ağliye. Qırdə kardəj pəlosiku,kılmiku Tarsdəm əvon ıştı umri oroxnon. Xıdo doə cəhəndımi zulmiku Rujə-nımoj qasti tıni peroxno. Boəməro Xıdo toyfəy ın zəmin, Iştə kədə kardedəmon yolyəti. Əzınim hay çı hiç kəsi ğəssəmi, Ni bəkəşəm çı hiç kəsi zılməti. Bə Hoc şeye çı şəytoni sənışte, Nəfsi kışde çı Kərbəlo səvobe. Xəy-şərədə ki pensədə bənışte Əv boəmə sıprişəti cəvobe.