VİNDƏNİM İ RUJ TINİ

Mandəm ıştı roysə mı, Bə çəşim ha ruj tıni. Əzob doydəj tı bəmı, Vindənim i ruj tıni. Şedəm ro çı sə-bəsə, Beşi boy bəçımı və, Həni çımı dıl ku bə, Vindənim i ruj tıni. Çımı conı tı barde, Betı bəmı ve sarde, Im çı yamanə darde, Vindənim i ruj tıni. Bəmı tı xıvət mədə, Oxo tınım ve pidə, Çəşonomku ars şedə, Vindənim i ruj tıni. Votedəm ki, məbi co, Boy bınəvəmon ha co, Bıjiyəmon bə ico, Vindənim i ruj tıni. Bıvindom ha ruj tıni.