ƏMƏHON TOLIŞİMON

Mot nodəmon har eli, Çəmə zoəye Pəncəli, Ya Məhəmməd, Ya Əli, Dinimon, imonimon. Əməhon Tolışimon. Bənə həşi vəştəmon, Harkesi dil deşdəmon, Çanə əzob kəşdəmon, Məvotən quluşimon Əməhon Tolışimon. Həmişə bə yod dənə, Şəhidımon doə çanə, Çəmə adət-ənənə, Yoli-rük bızınimon. Əməhon Tolışimon. Çəməndə həci hese, Im ğıryət bəmə vəse, Çəmə axır nəfəse, Vətəni con votdəmon. Əməhon Tolışimon. Bılbıl nimon ğəfəsdə, Imi həmə dərəsdə, Har çi vaxtədə rəsdə, Ovimon, otəşimon. Əməhon Tolışimon. Rabitə çiç votedə, Işdə sıxani qətidə, Əyo nənəm hıtedə, Ə vırə vəşt zındəmon. Əməhon Tolışimon.