ÇIMI VƏTƏN OSTOROYE

İ tərəfiş vişə, dıyo, Bandon çidən diyəkə çəyo, Cənnət mənəv, cənnət iyo, Çımı Vətən Ostoroye Həm zu bədo, həm zu bəse, Tarıxədə nomış hese, Çəvi varlığ bəmı vəse, Çımı Vətən Ostoroye. Əvi vindəm, huğu handə, Hırdənətım əyo mandə, Çımı dıldə şiliş ğandə, Çımı Vətən Ostoroye. Həm cəvahir, həmən zəre, Reçinətiş muxtəsəre, Təbiəti şah əsəre, Çımı Vətən Ostoroye. Nə dard bızno, nəinki ğəm, Har çiy bınəmon be nəm, Az çəvi şairə kimnəm, Çımı Vətən Ostoroye.